|
06-28-2010, 08:29 AM | #1 | ||||||
زائر
|
طرفة من فطيس (2)
الاخ بابكر على البدوى للذين لم يعاصروه رجل قمة المرح والدعابة والسخرية 00 اخر مرة جا السعودية عمرة سنة 95 بعدين كشوهم مجموعة من ضمنهم هو فى تسعة ايام وفترة العمرة طبعا 15 يوم فكانت له طرائف جد حلوة 00 كان بقول لى كشونى ويسألنى الله لى هسع حريقان لقيمات البارتى العملوه لى ما راح 00 بعدين تانى يوم لوصوله الحلة لبس ليهو جلابية وقال لعمر جرجور ياخى نطلع نلف الفواتح فعمر جرجور قاليهو يابابكر ياخى انت اديت ليك فرصة لى زول عشان يموت هى كلها تسعة ايام 00 واوعكم فى الايام القادمة التوثيق لظرفاء القرية |
||||||
06-29-2010, 07:05 AM | #2 | ||
الأخ المشتاقين ليهو جدا.......وطولنا منو بابكر......أتمني يكون بخير واصل يا يوسف وراجنك
|
|||
06-29-2010, 08:59 AM | #3 | ||||||||||
|
النعيم الله اطراه بالخير .. رجل طيب وعلي سجيته ..حكي لي الطرفة أخونا مبارك سلام : عندهم طربيزة خاصة في النادي للكبار .. ومن شروطهم الحجز من بعد صلاة العصر قدام الفرن وكل واحد بزميلوا .. ومن شروطهم بعد صلاة المغرب مباشرة التربيعة لازم تكون موجودة والأ فقدوا الحق الا بعد نهاية الحجز .. وكانوا بيصلوا المغرب مع عمنا حمزة قدام الدكان .. والنعيم جاء متأخر والجماعة دخلوا في الصلاة .. وعشان الحق الصلاة والكوتشينة .. قام قال لعم حمزة طول طول .. عمنا حمزة بعد الفاتحة قام قال : أنا اعطيناك الكوثر .. النعيم وهو يتوضاء قال لعمك حمزة أعطنك في الزيت .. فانفجر الجميع بالضحك..
|
||||||||||
06-29-2010, 11:35 AM | #4 | ||
ههههههههههههههههههههههههه ههههههههههههههههههههههههه ههههههههههههههههههههههه يا عارف دي قوية كانت مدسوسة وين عليك الله ركز بي جاي وانسي موضوع الهكر دا متعك الله بالعافية
|
|||
06-29-2010, 11:45 AM | #5 | ||||||||||
|
ههههههههههههههههه ...حلوة يا عم عارف...(والاسطي عارف عارف كل حاجة).......النكتة دي هدية ليك...حصلت هنا.... بس بحكيها بالسوداني ... عشان كل الناس تفهما.... البدوي جا الصلاة وفاتتو ركعة ... وبعد السلام اخونا سلم عاااااااااااااااااااااااا دي مع الجماعة.... جارو الجمبو قال ليهو انت فاتتك ركعة كيف تسلم معانا... عمك رد وقال: طيب والخازووووووووووووووق القدام ده جايبنو لي شنو....؟؟؟؟(يقصد الامام وكان سوداني).... |
||||||||||
06-29-2010, 12:09 PM | #6 | ||||||
زائر
|
عبد الله ود عمر قالوا جاء واحد غريب في الجامع خطب فيهم الخطبه كلها استعدوا لي الحساب اجهزوا يا ناس للقاء يوم عظيم حضروا نفسكم للسؤال اها عمك ود عمر عندوا موضوع شاغلو قام عاوز يتخارج في واحد سألوا وين ماشي قال ليه ماش اجهز |
||||||
06-29-2010, 03:08 PM | #7 | ||||||
زائر
|
ابن العمة تاج الدين الامير رجل لا يخلو من سخرية اهلنا الهميماب بعدين عبدالرحيم العذيب عندو ولدو الكبير اسمو لؤى والتانى قصى بعدين جابو ليهو اخر واحد ولد ربنا يحفظهم جميعا 00فقبل السمايه بيومين كدا لاقاهو تاج الامير قال ليهو شنو اعبدالرحيم الولد ناوى تسميهو منو فعبدالرحيم قاليهو والله ياتتتتاج الدين بسميهو عدى فرد عليهو تاج الدين قال ليهو والله ياعبدالرحيم انت عارف كانت جبت ليك ولد تانى الا تسميوه ( وووب على ) هههههههه شنو ليكم ما قوية هميماب والاجر ع الله |
||||||
06-29-2010, 03:33 PM | #8 | ||||||||||
|
حلوه وقوية .. ولأخونا تاج الدين طرائف كثيرة ..
|
||||||||||
06-29-2010, 03:35 PM | #9 | ||||||||||
|
واحد أسمو برعي جابو المحطة تبع الكراكات .. وتعلم السواقة جديد مع بدرالدين .. ادوه تايوتا علي الزيرو .. والراجل علامي وادوس الأبنس للأخر السيارة تطير طيران ..وكان جاي من مدني والظلط جديد والخطوط بيضاء وناصعة .. قال للجماعة والله ماشي مشي خطوط الظلط بس جاري الشحن ( شحن الجوال )
|
||||||||||
06-29-2010, 05:40 PM | #10 | ||||||||
زائر
|
هههههههههههههههههههههههه.. .....حلوة يا عارف بس كم تشبيه زي دة بيكسروا الزلط كله ..... |
||||||||
|
|
|