|
|
06-13-2011, 11:54 AM
|
#1 | ||||||||||||
|
مشرف المنتديات الأدبية
|
النسخة السودانية
النسخة السودانية الفاتح جـــبرا | ساخر سبيل لمراسلة الاستاذ الفاتح جبرا gabramedia@gmail.com أرادت جوزفين أن تفاجئ زوجها (جون) فقامت بترتيب المنزل ورشت هلي جنباته عطراً ذورائحة جميلة .. غيرت من تسريحة شعرها وأردت أجمل ما عندها .. عندما دق حرس الباب فتحت لجون الباب فإستقبلها قائلا : -ما هذا الجمال يا حبيبتى .. كم إنتى رائعة اليوم النسخة السودانية : أرادت سعاد أن تفاجئ عوض .. غيرت من تسريحة شعرها التى لم تغيرها منذ أن تزوجا قبل عشرة سنوات .. إرتدت فستاناً زاهياًً .. غيرت كل الملايات في البيت بأخري جديدة .. وضعت على المبخرة عروق من الصندل .. ما أن دق باب الشارع حتى هرعت تفتح الباب لعوض الذى نظر إليها وكأنه يراها لأول مرة قائلاً : - إنتى جنيتى وللا شنو؟ شنو العاملاهو في روحك ده ؟ ************* بينما كان جون وجوزفين يسيران على شاطئ البحر إصطدمت رجل جوزفين بإحدى الحجارة فتأوهت من الألم .. خاطبها جون فى رفق وحنية : - هل هي مؤلمة الضربة .. دعينى أعمل لها مساجاً النسخة السودانية : بينما كان عوض وسعاد يسيران بشارع الدكاترة .. أصدمت رجل سعاد بأحدى علب البارد الفارغة وقبل أن تتأوه سعاد من الألم خاطبها عوض قائلاً : - عميانة؟ ما بتشوفى؟ ما تعاينى قدامك ************* فى عيد زواجهما قالت جوزفين لجون تعاتبه : - أنسيت أن اليوم عيد ميلاد زواجنا يا حبيبي أخرج لها جون من حافظته تذكرتان لتناول العشاء في أحد المطاعم الفاخرة وهو يخاطبها: - كيف انسى يا حبيبتى يوما جمعنى بك .. سوف نتناول طعام العشاء على ضوء الشموع النسخة السودانية : في عيد زواجهما قالت سعاد لعوض وهى تعاتبه : - نسيت يا عوض إنو الليلة عيد زواجنا ؟ أخرج لها عوض من جيب الجلابية ورقة (الجمرة) وهو يخاطبها قائلاً : - هو الواحد يشتري ليكم الجمرة وللا يتذكر ليكم الحاجات الهايفة دى؟ ************* وهما عائدان من الطبيب بعد ان أثبتت الفحوصات أن جوزفين مصابه بمرض إرتفاع السكر خاطبها جون مخففاً : - لقد أخطأ السكر العنوان يا حبيبتى فأنتى أحلى من أن تصابين به فأنتى عسل يا حبيبتى النسخة السودانية : وهما عائدان من الطبيب بعد ان أثبتت الفحوصات أن سعاد مصابه بمرض (السكر) خاطبها عوض قائلاً ً : - الما بجيب لك السكري شنو؟ اليوم كلو تضربى فى الباسطات والحلويات ************* أرادت جوزفين أن تحضر أحد الأغراض من مخزن المنزل فباغتها فأراً يتجول .. هرعت خائفة نحو جون وهى تصيح مذعورة ، إحتضنها فى رفق قائلاً : - لا تخافي يا حبيبتى الفئران غير مؤذية .. دعينى أذهب بدلا عنك لأحضر لك أغراضك النسخة السودانية : أرادت سعاد أن تحضر أحد الأغراض من مخزن المنزل فباغتها فأراً يتجول .. هرعت خائفة نحو عوض وهى تصيح مذعورة - الفار يا عوض .. الفار يا عوض أشاح عوض بالصحيفة التى كان يقرأ فيها جانباً وهو يخاطبها : - مخلوعه كده مالك؟ هو أصلو فار وللا أسد ؟ وإنتى ذاااتو الوداكى تمشى تكابسى هناك شنو؟ ************* قالت جوزفين تخاطب جون وهى تشير إلى أحدى البلوزات وهما يتجولان في أحد المحلات : - ما رائك يا حبيبي فى هذه البلوزة المحذقة ؟ خاطبها جون وعينيه تشع فرحاً : - سوف تمون مذهلة عليك يا حبيبتى النسخة السودانية : قالت سعاد تخاطب عوض وهى تشير إلى أحد البلوزات وهما يتجولان في (سعد قشرة) : - رائك شنو يا عوض فى البلوزة المحذقة دى ؟ رد عليها عوض : - و (كرشك) دى توديها وين؟ ************* جاءت جوزفين وهى منهارة وإرتمت على أول كرسي إنزعج جون وسألها مستفسراً عما حدث أخبرته بأنها قد نجت بأعجوبه بعد أن كادت تسبب فى حادث مرورى وهى تقود سيارتها الجديدة ، قال لها جون بعد أن أحضر لها كوبا من العصير البارد : - أحتسى هذا العصير يا حبيبتى .. غداً نذهب إلى مدرسة قيادة السيارات لتتمرنى أكثر على القيادة .. إطمئنى سوف تتحسن قيادتك كثيراً النسخة السودانية : جاءت سعاد وهى منهارة تماًما وجلست فى طرف السرير نظر إليها عوض فى إندهاش وهو يقول لها : - مالك؟ الحاصل شنو؟ أخبرته بأنها طلعت من الموت بأعجوبه بعد أن كادت تدخل فى أحدى الحافلات ، قاطعها عوض قبل أن تكمل حديثها : - ما قلنا ليك سواقتك التعبانة دى يوم بتجيب خبرك !ّ! كسرة : - (وهى تطلب منه شراء فستان لإحدى المناسبات) : أفتحي محفظة النقود وخذى ما شئتى ياحبيبتى ويا حبذا لو إشتريتى له حذاءاَ بنفس اللون حتى تكونى أجمل إمرأة في الحفل - (عوض) : الشهر الفات ده ما إشتريتى ليكى فستان ؟ إنتى قايلانى كاسر ليا بنك وللا القروش دى قاعد أطبعا ؟ منقول ... الفاتح جبرا
|
||||||||||||
|
|
06-13-2011, 01:33 PM
|
#2 | ||||||||
|
زائر
|
جون: والله الموضوع رائع وجميل ويدل علي ذوقك في الاختيار.... محمد أحمد: الموضوع دة دحين ما لاطشو من الراكوبة؟؟؟؟؟؟؟ |
||||||||
|
|
|
06-14-2011, 11:52 AM
|
#3 | |||||||||||||
|
مشرف المنتديات الأدبية
|
Quote:
|
|||||||||||||
|
|
|
06-14-2011, 05:17 PM
|
#4 | ||||||||||
|
عبد المنعم أب صلعة زي جبرا -مشتاقين كثير وحقيقة أشعر بالأسف والآسى إنني لم أستمتع بوقتي معك عندما نزلت إجازة للسودان في عيد الأضحية الماضي فقد كانت اكثر من مخنوقة الإجازة - وكنت أنت أيضاً مداوم حتى أيام العيد ..ولكن عزائي الوحيد إني وصلتك جوة فندقك تعرف إنه جبرا ده بسخريته هذه يوم بيفقع ليه مرارة واحد بالضحك ... أحذر دائما عندما أقرأ عموده في الرأي العام أو في موقعه أن أكون لوحدي بالقاعة حتى لا يقال عني مجنون لأنني أضحك كثيراً وبلا توقف من هذه السخرية اللاذعة والممتعة ... أشكرك فقد أضحكتنا بنقلك للموضوع وأدخلت البهجة لمنتدانا .... مخرج : الوقت ما سمح لي يا منعم لكن سمعت وحضرت في التلفزيون قالوا لي في واحد إسمه السنهوري (بتاع صلع) في السودان الزول صادق ولا كذاب (وجهة ضاحك ودردقه في الواطة) ماتشمت فينا الناس (بالصلع دي) ادينا خبر أنا واخوي الكاشف متحرنك
|
||||||||||
|
|
|
06-16-2011, 12:15 AM
|
#5 | ||||||
|
زائر
|
يا عبد المنعم الله اديك العافيه الموضوع جميل جدا لكن مفروض برضو كدا تكون منصف شويه و تجيب لينا النسخه السودانيه من الطرف الاخر ( السودانية مع السوداني المسكين دا )لأنو صراحة كدا عملت لينا مشكله مع نصفنا الاخر . |
||||||
|
|
|
06-16-2011, 06:11 AM
|
#6 | ||||||||||||
|
مشرف المنتديات الأدبية
|
عزيزي مامون أنا مقصر جداً معاك ياخي سامحني إلى أن أتصل بك. بخصوص إجازتك ما قصرت تب وكنت قريباً مني وكنت أتابع تحركاتك وكنت مشفقاً عليك من الجري والطيران قصة الصلعة ذكرتني حوار الدكتور مع أبوي ... ذهبنا إليه عدة مرات لمشكة في الركبة وبعد الكشف قال له يا حاج شعرك دا ببقى أسود تاني؟ يا حاج سنونك ديل تاني بقومو؟ من ديك ولم أسمع أبوي يشكي من الركب يا أخوي أنسى حكاية الصلعة دي تاني ما بتقوم
|
||||||||||||
|
|
|
06-16-2011, 06:22 AM
|
#7 | |||||||||||||
|
مشرف المنتديات الأدبية
|
Quote:
نصفكم الآخر معاهو حق، إنتو صعبين وحقارين خليك زي جون كلو بكون تمام
|
|||||||||||||
|
|
|
06-16-2011, 08:36 AM
|
#8 | ||||||||
|
زائر
|
الاخ عبد المنعم يا اخي نحن ما للدرجة ده معقول تكون في حقاره كده وبعدين ما تعصي علينا الجماعة الله يورطك فيهن اااامين مامون ده قاصد شنو بالكاشف اخوي شكلي راس السوط وصليني ام انا بتوهم ساكت من الصلعة |
||||||||
|
|
|
06-16-2011, 08:54 AM
|
#9 | ||||||||
|
معروف الله يديك العافيه بديت ارد ليك في الموضوع دا قبل يوم وقامت الكتاحه ولقيت نفسي بره الشبكه وحاولت جاهدا ان اعود لكن المنتدي الكتاحه غطست حجرو ياخي جون متين كهربتو بتقطع ويكون دافع حقها مقدم جون حصل جاء قريب المغرب مهلوك من التعب والجوع جون بعرف الملاريا ولابشوت وجبه جون شاف زنقة حق الملاح وين جون ما الملاح بجيهو لحدي محله ملاح شنو ملحات اقصد انواع مختلفه جون ياخوي ليهو حق يعمل كدا والله عوض دا ذاتو كان لقي الراحه العند جون دا الايتحول ليك قيس عديل كدا خلي جون العاشق نص نص دا بعدين الحكايه دي ناقصه مافيها صراخ شفع ولاسباب ولادعاء عليهم ومحاولات تهدئه تبوء بالفشل وهروب الي جانب اخر من المنزل وبعد شويه يتحول الملاذ لي لي حضانه بس في نقطه عوض احسن من جون لانو رغم كل الظروف دي قاعد يسرق لحظات كدا ويكون رومانسي وعلاقتو تكون مع السنبلايه علاقه اعمق دون كلمات وتسطيح علاقه ضمن المعاناة والعوز والخوف ذي ماقال محجوب شريف لّما عرفتك اخترتك سعيد البال .. وختّ شبابى متيقن عليك آمال لا جيتك قبيله .. ولا رجيتك مال ولا مسحور ويوم ما كنت في عينىّ .. أجمل من بنات الحور جيتك عاشق اتعّلم من الأيام ومن سأم الليالى البور ومن أسر الوِلِف كتّال لقيتك فى طشاشى دليل .. وفى حرّ الهجيره مقيل ركزت على ضاكِ عصاى لقيتك فى حياتى جذور بنيّه اتلفّحت بالنور مهجّنه من غنا الأطفال .. ومن سعف النخيل والنيل ومن وهج الشمس موّال وان اخترتينى إنساناً .. عزيزَ النفس بتمنّى .. وبسيط الحال علىَّ حرَّمت زرعاً ما سقيتو حلال ومافصّد حصادو قفاى وبينى وبينك الضحكه .. ورحيق الشاى وطعم الخبز والسُتْره .. ومساء النور وعمق الإلفه.. بين النهر والنخله وغنا الطمبور وصدق العُشْره بين الأرضِ .. والإنسان وبيني وبينك الفكره .. وجمال الذكرى والنسيان وحسن الظن ومشوار الحيا اليوماتى ما بين الجبل والسهل .. ما بين الصعب والسهل عزّ الليل .. وفى سكّه مطر بكّاى فلا هماً تشيلى براكْ ولا جرحاً أعانى براى ولانا على بعض نمتن وتزعلى يوم .. وازعل وننفعل مرات تقبّلى منّى .. واتوسّد ضُراعى سكات وفينا حنينه تتشابك موده .. تشابك الغابات ونحن اذا اختلفنا سوا .. بنطيع الصاح ولو بتنا القوا بنرتاح اذا تمن الملح والعيش.. رُضا الشمّات وتتكى سنبلايه على ضراعى .. واميل كأنى غنا الطفوله العذبْ كأن الدنيا طى القلبِّ والمنديل كأنّ الدنيا طىِّ القلب والمنديل اها رايك شنو مش جون حقو يجي يتعلم مننا |
||||||||
|
|
|
06-16-2011, 12:49 PM
|
#10 | |||||||||||||
|
مشرف المنتديات الأدبية
|
Quote:
يالطيب في راسك ريشة (صلعة) مامون قاصد صلعة أكبر من العندك ونقول لي مامون أعمل حسابك من سنهوري دا أخطر من ناس الوطني يعني ح ر اااا م ي
|
|||||||||||||
|
|
 |
|
|
 |
 |
 |
Linear Mode
