|
10-18-2012, 07:12 PM | #481 | ||||||
زائر
|
تحياتي ام محمد وما ح اطول عليك وانت قائمه بس سؤالين _ صفي شخصية ام محمد في ثلاث كلمات _كل منا يعبر عن نفسه وافكاره علي صفحات المنتدي عن طريق الحروف ولكن كثير من الناس تتضارب شخصياتهم الحقيقيه مع الشخصيه التي يكتبون بها هل ترين هذا نوع من التجمل ام النفاق؟ |
||||||
10-18-2012, 08:12 PM | #482 | |||||||
زائر
|
Quote:
صفي شخصية ام محمد ؟ ام محمد انسان كرمها الله بنعمة الامومة والامومة حنان وتضحية وعطاء بلا حدود تضارب الشخصية ؟ اعتقد التضارب في الشخصية في المنتدي نوع من التجمل وليس النفاق لان الانسان بالفطرة بحب الخير والناس في المنتدي دايما تتمني الخير .ونجد بعض الردود والمشاركات تكون مرة مثالية ومرة حقيقية . والناس في المنتديات تتعامل مع كتابات اصحابها في كتير من الاحيان غير معروفين معرفة شخصية وهل دي شخصيتهم ولا متناقضين وبعدين الطبع غلاب على الشخص والتصنع واضح ومكشوف |
|||||||
10-19-2012, 05:47 AM | #483 | ||
تعالي هنا المقعدك في الضل شنو......... تربية الأبناء في الحلة ... يدخل فيها الجيران والأقرباء والشارع ... "أو كان"...في الغربة تكون محصورة في البيت...مع تدخل بعض ايادي التكنلوجيا وفي كل منهما المحاسن والمساوئ.....أيهما تفضل ام محمد إذا خيرت .......................... علماء الدين في السودان يتحدثون عن إجازة عرس صغيرات السن أين تقف أم محمد من هذه... ولماذا لا نسمع صوت الأمهات أم لازال صوت المرأة عورة... حتي في الإختيار ........................... أخر سؤال مني تقيمك للكرسي ... ونصيحة للزول البعدك...........وهو منو واتأكدي ما يكون ماشي الحج عشان ما يزوغ
|
|||
10-20-2012, 03:26 PM | #484 | |||||||
زائر
|
Quote:
تربية الابناء..........؟ لو خيرت اختار اي مكان لو السودان ولا الغربة بشرط وجود الاب لقناعتي التامة بدور الاب في مرحلة من مراحل الابناء ليس اليتيم من انتهي ابواه ......... من هم الحياة وخلفاه ذليلا ان اليتيم هو الذي تلغي له ............. ام تخلت او اب مشغولا التربية مسؤولية مشتركة مع وجود التدخلات التي تسمي العولمة التي غطت على كتير من عاداتنا وتقاليدنا . التربية في السودان اتغيرت على الرغم من وجود الحبوبات والعم والجار والشارع نجد الضياع والتمرد في بعض ابنائنا . والتربية في الغربة ليس احسن حالا نجد بعض ابنائنا ضائع بين الشارع والتقاليد داخل البيت وبعضهم سطحيين وما عندهم مسؤولية ومددللين وغيرو .. ومع ذلك نتمي ان نحسن تربية ابنائنا وتهزيبهم لو في السودان او خارجه |
|||||||
10-20-2012, 03:58 PM | #485 | ||||||
زائر
|
السوال التاني زواج القاصرات ؟ علماء الدين كل يوم فتوي جديد ولو الناس اتكلموا اقلوا دا الدين والشرع ما عاجبكم .. والدين والشرع اعطوا المراة حقوقها كاملة وحمها من الضر ر وزواج القاصرات كلو ضرر جسدي ونفسي وجهل والزمن تتطور والتعليم اصبح مهم . والرجل عندما اتزوج داير اتزوج مراة تعينه على اعباء الحياة مش طفلة لو انجبت يكون بين تربية طفلين. ولي زمن السكوت المراة اليوم اتعلمت وواجبها تعلم بنتها حقوقها وكيف تتدافع عنها بكل قوة وكيف تكسر القيود والسلاسل التي تكبلها باسم الدين والدين منها براءة . تقيم للكرسي الساخن؟ انا كنت خايفة بس اكتشفت اكتشاف خطير انو للكرسي فوائد منها يقربك من الاعضاء يعرفوا شوية عنك واكتساب لمعلومات كتيرة تبحث وتاخذ الذي يقنعك ويوافقك وتكون بذلك اخذت ليك كم معلومة جديدة .. في اسئلة ياريت تكون قضية للنقاش والحوار بين الاعضاء لكي نستفيد من بعض , والكلام فيها كتير والاختصار فيها يربك ويظهر الردود غير مرتبة وانا هنا بعتزر بشدة من عدم الترتيب ومنكم السماح نصيحة للبعدي؟ الكرسي ساخن لكن مفيد والفائدة اكتر ان شاءالله وصاحب الكرسي انشاءالله ....... عاطف البدوي |
||||||
10-20-2012, 06:36 PM | #486 | ||
أم محمد لك التحية ..... وما قصرت تب.... ونتمني للأخ عاطف قعدة مريحة...وابشرك ح تطول شوية يا عاطف لأنو جاييك العيد....وإجازتو معليش مستعجل ...جبت ليك...حاجات الكرسي .........ركبو براك
|
|||
10-21-2012, 10:16 AM | #487 | ||||||
زائر
|
جعله الله كرسي خير وبركه ويا ام محمد نحن كلام الكرسي ما بنابهو لكن الفيك عرفتها بس كان تختيني ايام الخروف الغالي دي يعني خليها زنقه واحده بدل اتنين ويا عبده قالوا كرسي ما قطع ازبيرات . سعيد جدا بكل الذين سبقوني بالجلوس علي الكرسي واسهاماتهم التي كانت نبع وافر العطاء وامل ان اوفق في تكملة المشوار بذات العطاء وان اقدم اضافة ترقي ان تكون جنبا بجنب وسط الكوكوبة الممتازه التي شغلت الكرسي بامتياز قبل ان يشغلها الكرسي بتجميع اجزاءه يا عبده |
||||||
10-21-2012, 06:43 PM | #488 | ||
الأخ عاطف... ليك ألف تحية........طبعا نحن بندأ خبت طوالي مع عضم الشيطان .................. الغربة....دائما .. أتعابها ثلاثية الأبعاد...بتحاصر الزول...وتشلهتو ولكن تبدأ الشلهتة الحقيقة عندما يفارق الزول بيوت العزابة .... معنويا ويبدأ فلم الإستقدام الذي يعاني منه الاغلبية كيف تراهو .... وهل القانون فيهو إجحاف. وأيهما اسهل إغتراب عزابي.... ولا متزوج ستة شهور إغتراب وستة شهور إجازة كما يفعل البعض ............... كيف يقضي عاطف يومو...يوم الشغل ويوم العطلة ............ مقطع أغنية لا تفتر من ترديدو وبجيك راجع
|
|||
10-22-2012, 06:25 PM | #489 | |||||||
زائر
|
Quote:
ولسه يا عبده المطارات والمواني فاغره فاها تلتهم المستجيرين من الرمضاء بالنار الاملين والحالمين بعيش كريم ترمي بهم في غايهب المدن النفطيه تمنحنا بسطة في الجسم ونضارة في اللون وبعض الريالات وتأكل دواخلنا بالم الفراق العريض والاشواق للوطن والاهل ودفء العشيرة والناس وطعم الحياة . .................................................. .................................................. ........ شروط الاستقدام لا اراها مجحفة لان من حق اي دولة ان تسعي لضبط الوجود الاجنبي بداخله فدولة مثل السعوديه مثلا تشترط علي المستخدم المهنة المتخصصه مع الشهادة الجامعية بفهم ارتفاع الراتب ما يفي متطلبات الحياة داخل البلد لارتفاع الايجارات والتامين الطبي للعائلة ما يجعل الاسرة مستقرة ماديا دون اسقاطات سالبه علي المجتمع المضيف . لكن لانه نحن اغترابنا اصلا غير مؤسس بناعني كتير عند الاستقدام لانه غرضنا من الاغتراب تلبية اساسيات ليس الزواج واحدا منها ابتداءا انما الزواج ياتي في فترة لاحقة هكذا كما اغترابنا غير مؤسس فكثير من اصحاب الشهادات والتخصصات اغتربوا بمهن عامل وتربيه مواشي وبقال وغيرها من المهن التي لا ترقي وتاهيلهم والانكي هنالك من عمل بهذه المهن دون مراعاة لتخصصه من ضيق الحال اما من يستوفون الشروط فامرهم ميسر جدا لا يستقرق الاسبوع . .................................................. .................................................. ........ ايهما اسهل غربة العاذب ام المتزوج ؟ صاحب العقل يميز اكيد الاول لان المتزوج بعد الزواج اضاف بعدا اخر لحجم معاناته مع الغربه فبات فقده اكبر ومضاعف انا يا عبده بقضي يومي العملي بانضباط غريب في العمل بعزيه دايما لفترة العطاله الطويله في السودان قد تكون طاقه كامنه اما العطله فهي متعه خاصه للتواصل مع المواقع الاجتماعية واكتشفت انه لسه فيني نهم للقراية كما لدي تاملاتي الخاصه والحبيبه ومراجعه الذات . .................................................. مقطع اغنيه لا امل ترديده ؟ ايوه واسي معاي اسمع سمحة وسمرية محبوبتى ولفتاتة غزالة خضرة ومسقية وجنب النيل مشتولة النالة بهواك يا بنيـّة كتبتو قصيد وبقولو مقالة بتفتحى فيـّـا معانى غناى تديلة مجالا ************ زهرة وبرية بشوق الأرض عيونا كُحالة تريانة ندية بعرق الناس والناس فى بالة يا خوفة علىّ عقل وثبات ماهـا الولوالة ************ من فرحى البيـّا قلعت الخوف وكستنى بسالة قت ليها النية متين نتلم والحال بطالة قالت لى غنية وإنت معاى مستورة حالة بت سودانية محبوبتى ولفتاتة غزالة |
|||||||
10-23-2012, 06:02 AM | #490 | ||||||||
|
الله ده شنو ياعبدو صاحبك مريحو وقاعد يغني كمان خلي اللغني تاني يعد البعو اللبيعات العاتيات ديل ود البدوي ارتدنا نفس الوجهات رغم فارق السن ولكن دائما كنت تاخذ ركنا قصيا يخصك هل تستخدم تقنية القنفذ لتقي نفسك سهام الآخرين ام ان وراء الأكمه ماوراءها هل تظن ان مايدور الآن هزيمه وهل أنت بالتحديد مهزوم اي انك استسلمت للأمر الواقع وصرت تطبل من حين لآخر للأنظمه الشموليه لماذا دائما موقفك تجاه الصراع الدائر يبدو محكوما بحسابات تجعلك تختار موقفا احيانا يشوبه بعض الشذوذ ماذا تقرأ وهل تستطيع ان تجعل مردودات القراءاه تتسلل الي اراءك ومشاركاتك اظن ان هناك حنين الي اماكن بعينها في المنطقه ماهي وماهي الروابط التي تجعلها مميزه عندك اراك الآن تتحدث عن السمحه وسمريه ماذا فعلت لهذه السمحه ( بشكل عام ) لماذا تكتب وكيف تكتب وماهي موجهات الكتابه عندك وهاك دي امسيه صيفيه وانت تجلس علي كرسي مقابل ( المقابر ) وبعض المتأخرين في الحقول يعودون الي البيوتات وهم يدندنون لحنا قطع التعب انفاسه يرتفع صوت العود وتتردد في البال هذه الكلمات وكان فى الجو فى غيم وكم نجمات بُعاد وكان الدنيى صيف لا قالتلوا كيف .. كيف أصبحت .. كيف لا لمسة وداد لا لمسة حنان لا رمشة طِريف من قلباً وفى زى أيام زمان .. أيام الدِفِى كانت ماها فِى .. كانت فى المراح شدَّتلو الحمار .. تحلب الغنم لى شاى الصباح والطير ما نضم .. ما رسـّل نغم حتي يقول عم عبد الرحيم يا حُر ماكا حُر يا ريت التمر .. ياريت لو يشيل كلِّ تَلاتْ .. أشـُرْ ولاّ أيام زمان كانت ما تمُر كان ماجاك هوان .. ما لاقاكى ضـُر كان لا ضِيق يضيق لا أنغرغَرْ صبر ولا شابيت غريق .. ولا طلوَحْ فقُر كان ماكان .. وكان أكيسى دُر هل نحن أحرار وماذا تعني الحريه عندك وما الذي يمكنك فعله من اجلها هذه دفعه مقدمه اتمني ان تنال رضاك وطبعا الدفعه الاخيره ان شاء الله لاحقا واخيرا كل عام وانت بخير |
||||||||
|
|
|