|
01-18-2013, 08:46 AM | #31 | ||||||
زائر
|
فطيس تستاهل كل خير وخاصه انها بلد ملتقى كل القرى ونتمنى ان يوفق اهل الخير من المزيد من الاعمال التى تليق بفطيسناوجزا الله خير الجزاء الناس السهروا على قيام هذ ا المشروع الضخم وربنا اكفينا شر حوادثه وادينا خير ونفع بها مدينه فطيس |
||||||
01-27-2013, 08:42 AM | #32 | ||||||
زائر
|
ا اها يا اخوانا البتاع دا الليلة 27/1/2013 جاء ولا فات ولا مات ولا شنو بالله ؟ اسي غلبنا التعبير والله حال البلد خلانا نشوف الزلط ولا شي هو صحي نحن عاوزين زلط ؟ |
||||||
01-27-2013, 11:07 AM | #33 | ||
الأخ عاطف لك التحية دوما غايتو بديك خبر من الضل ...ولا تسألني من المصدر متوقع وصول المهندس الذي سوف يختار مسار الظلط المناسب وأنتظر شوية .. وان شالله يكون بداية خير
|
|||
01-28-2013, 02:00 PM | #34 | ||||||||
زائر
|
إن شاء الله الحلم يصبح حقيقة |
||||||||
02-25-2013, 05:27 AM | #35 | ||
جزء من رسائل... علي صفحة المنتدي بالفيس بوك من عبده مصطفي الي ...الاستاذ كمال يوسف 07 فبراير 2012 "الأستاذ كمال يوسف ....لك مني كل الإحترام والتقدير... تم نشر الخبر في المنتدي وممكن تقول الحلة كلها اصبحت ممنونة لكل القائمين علي المشروع ودا عمل إن أريد به خيرا فجزاءه عند الله اكبر ودي الزول بلقاها من الأيادي البتترفع بالدعوة وكنت أتمني حضور اللقاء التنويري يوم الجمعة الاول من فبراير ولكن لظروف خارجة عن الإرادة أبعدتني عن القرية... وكما هو واضح قد تم تدشين العمل ... ودي محمدة بالرغم الخلافات التي حصلت بشأن المسار وكنت أمل ان يتم توضيح للناس عن اسباب اختيار المسار إن كان هندسيا أو غير وان يتم وضع منشور كامل للمشروع يطلع عليه العامة يتم تحديد فيه المسار واين ومتي ينتهي العمل وما هي الفوائد التي يأتي بها الزلط حتي تكون الناس علي بينة من الامر واتمني أن يحدث ذلك حتي لا تضيع حقوق الناس ونتمني من الله ان يوفق الجميع لعمل الخير" من الأستاذ كمال يوسف إلي ناس فطيس 19 فبراير 2013 "احب ان اوكد لكم بان العمل سوف يبدأ قريبا انشاءالله وسوف ينتهي خلال ثلاثه اشهر انشاءالله اما تحديد المسار تم تحديده بواسطة الراي الفني علي حسب الملف المرفق" يمكن قراءة الملف المرفق من الرابط ادناهو بدء العمل في طريقي ام عضام – الصفا بمحلية الحصاحيصا ودائما للحديث بقية
|
|||
02-25-2013, 10:31 AM | #36 | ||||||||||
|
حكاية شئون هندسية أو شأن هندسي دي ما بتدخل الدماغ .. المسار الاول برضو كان في فنيين علي مستوي أعلي من الفزاري دا .. ومن الوزارة الام .. الورقة التي كانت مع كمال ظهرت في السوق جنب ستات الطعمية قبل ان يعرف الناس أن هناك زلط أو غيرو .. أسألوا حسن شيخ الحلة وان احدهم أخرجها علي الملاْ وقال ياناس فطيس نحن زلطنا جبناهو فتشو زلطكم وين .. القضية ما قضية زلط .. أو مسار القضية أستغلال بشع لأسم فطيس وتسيير الاجندة الخاصة جداً .. ودونكم رجب الذي ضحك علي جلابيب فطيس وركبهم الزلط بدل أجيب الزلط .. هناك من يستغل حجم البلد .. وتم تغيير المسار بفعل فاعل وامر سياسي .. وكذب من قال غير ذلك .. هناك احدهم يريد تكبير كومه ويجمع أكبر عدد من الحلال دار السلام الجزولي حلة الخضر المريبيعة ويبدو في الصورة أحدهم يسمي بود نايل وكم حلة لأشياء في نفس يعقوب . أنتخابات مجالس محليات لجان تنسيق ولجان شعبية وصور شعبية بالاضافة لأضعاف صوت فطيس الواهن أصلاً .. أخي عبده الرابط الذي أستشهدت به زي منتدانا دا ممكن تقول ما تريد وتود .. قبل فترة سمعت بواحد وزير شئون هندسية من طابت بولاية الجزيرة أسمه مين كده كامل لا حول له ولا قوة .. جاء فطيس يبدو في مناسبة في ود فرج الله لتطلع الاشاعة انو الزلط تقوموا من النوم تلقوه زي الفل ؟؟؟؟؟؟؟؟؟؟؟؟؟؟؟؟ أتصلت وسالت وعرفت ان الامر حتي وان تم .. لا يتم الا بعد تصديق وزارة المالية علي قيام المشروع .. ووزارة المالية مفلسة وجزلانها كفؤاد ام موسي .. منين نجيب الترااااااااااااااااب ؟؟؟؟؟؟ كلنا عشم أن يقوم الزلط بعيداً عن الأمور التي لا تخدم المنطقة وتولد الحساسيات .. والنشوف آخرتا
|
||||||||||
02-25-2013, 11:30 AM | #37 | ||||
الأخ عارف .... حياك الله أولا اقتبس ما كتبته في بوست ..... اخر يتناول زيارتي الاخيرة للقرية Quote:
وكتابتي للرسالة التي ارسلها الاستاذ كمال كان الغرض منها توضيح أن العمل سوف يبدأ قريبا وهي كانت رد لتسأؤلاتي Quote:
وأعتقد ناس الحلة يعرفون كل صغيرة وكبير في أمر الزلط.... ولا أختلف معك في كل ما قلته.....ونسأل الله أن يدي الناس الفي مرادا
|
|||||
06-14-2013, 10:43 AM | #38 | ||||||||||
|
تحية أخونا الحبيب عبده .. أخبار الزلط أو الظلط او قل الزلت او الظلت شنو .. أخبار والفتاوي أنقطعت وما عارفين وين وصلت الأمور ..؟ أمكن ملفوف بسلوفان بجوا أفروه فرررررررررررررررررر كده والناس تولع كواريك والنسوان تزغرد والعربات تتهادي بغنج ودلال تمشي الهوينا كما يمشي الوجي الوحل تغرينا بأن نسافر علي زلطنا المستظلت الممسح بالجلسرين .. ! لا فضّ فوكم أفتونا الي أين وصلت الأمور ؟؟ عشان علي الأقل السنة الجاية لو ربنا مدّ في العمر الواحد لو رجع البلد أكون في كامل هندامو وآخر عطور ما يصيبو غبار وهواء ملوث بالأتربة وكده .. شنو ليك ما فشخره آحر زلط أقصد زمن .. الواحد أجي نازل بالله نزلني في محطة المدارس وقبالك واحد نزل في لفة ود فرج الله وبعدو محطة دكان شريف وواحد نازل في محطة الفرن .. يا لزلوط المظلطة المجلبطة باسفلت التزلط والزلاطين !!!!!شنو ياعمر محمد عمر مش كلام عادي جداً؟
|
||||||||||
06-14-2013, 12:51 PM | #39 | ||
الأخ عارف.....حياك الله زلط فطيس دا....بالضبط زي قصة ابودرداق الداير يعرس القمرا في أول جمعة في فبراير هذا العام كان الوعد...من داخل الجامع وإن لم أسمع الوعد ولكن خرج الجميع... والزلط زي ما بقولو في القزاز أخر رسالة من كمال يوسف لصفحة المنتدي بالفيس بوك كانت بتاريخ 19 فبراير ويقول فيها " احب ان اوكد لكم بان العمل سوف يبدي قريب انشاءالله وسوف ينتهي خلال ثلاثه اشهر انشاءالله اما تحديد المسار تم تحديده بواسطة الراي الفني" يعني مفترض بالكتير يكون ... هسه....بدوهو في البوهيه الأخ عارف المشاريع الكبيرة دي التي يراها الجميع ... أغلبها إما هبات أو قروض حسب العائد المادي منها وزلط فطيس ...قالو نازل في الميزانة 2013 والكل يعرف حال الميزانية وأعتقد تلك هي المعضلة فهناك أولويات..... لهولاء القوم منها نعلم ومنها لا نعلم ولا نملك إلا ان نشكر كل من يحاول تحقيق هذا الحلم الذي طال ونسأل الله....البلف ما يقفلو وتجينا حبة قريشات وتفضل منهن حبة قريشات وذول من (الوعدو) يقول في زلط اسمو زلط فطيس نسويهو بالقريشات ديل قولو امين
|
|||
06-14-2013, 07:08 PM | #40 | ||||||||||
|
آميييييييييييييييييييين ... بس ما تصدق كل ما يقال .. قصدت من طرق الموضوع والذي أنا اول المقتنعين بأنه زلوط نفسه .. بس حاولت تحريك السكون الذي يعتري المنتدي .. اتصل بي أخونا عوض وقال لي وين الجماعة ؟ أخونا سنوسي حاج احمد وعدني بالكتابة والمشاركة والرجل موسوعة ولو تمكنا منه لكسبنا رجل خطير وثر ومهول .. اتمني من الجميع الرجوع واخونا حريش قال قادر علي منعم .. كل زول أجيب واحد وبكده نكون زي اول ..
|
||||||||||
|
|
|