|
|
06-05-2010, 10:46 AM | #1 | ||||||
زائر
|
في زول فاهم حاجه ؟
عندما تم التوقيع علي اتفاقية السلام بضاحية نيفاشا بين المؤتمر الوطني والحركة متضمنا كل البنود المتفق عليها والمعروفه لديكم وعند اعلانها ضج كل الشارع السوداني والمواطن البسيط بان هذه الاتفاقيه مجحفه في حق الشعب السوداني لانها استبعدت كل القوي السياسية الاخري وانفرد بالقرار والقرارات الكبيره المؤتمر الوطني والحركة الشعبيه بثنائية خالصة غير عابئين بتلك الاصوات التي وصفت الاتفاقيه باتفاقية الاستسلام وليس السلام لانها قبلت ضمنا حق التفريط الرخيص في جزء غالي من السودان الا وهو جنوب السودان وذلك لمجرد القبول بمبدا حق تقرير المصير بالنسبه للجنوبين ولان الشعب السوداني واعي ومتبصر وعلي يقين بان الجنوبيون سيصوتون للانفصال في ظل هذه الظروف السيئة وحقوقهم الضايعه لا اختيارا بل مكرها ولنقل مضطرين لهذا الخيار بعد ان غلبت ام غلاب لهذا كان راي الشعب من هذه الاتفاقيه انها ستمزق السودان ستفرط في وحدته كان هذا راي الشعب والمواطن البسيط الا المؤتمر الوطني الذي صفق لها طويلا واعتبرها قمة الفتوحات والانجازات العملاقه وسيروا معدوها مسيرة الابطال الافزاز الذي اتوا بالمستحيل . وجاءات الانخابات وانفض السامر وان اوان الحقوق والاستحقاق فاذا بنا نسمع قادة المؤتمر والحركة كل ينعق بملي شديقيه بضروره الوحده واهميتها وضروره توعية المواطن بضروره التمسك بالوحده وتزين خيار الوحده وتعميق مفاهيم الوحده كان المواطن هو من ابرم هذه الاتفاقيه العجيبه ناسين او متناسين ان المواطن كان اوعي من ان يفهم او يتفهم لاحقا ناسين او متناسين بان مواطن الشمال خاصه لا يحق له التصويت اصلا وتم تغيبه وهضم حقه بمجرد التوقيع ماذا يريد منا اعلام اليومين ديل وهل هو موجه للمواطن فعلا ولا لقادة المؤتمر والحركه ؟؟؟؟؟؟؟؟؟ في زول فاهم حاجه ؟؟؟؟؟؟؟؟؟؟؟؟؟؟ الكوزونا |
||||||
06-05-2010, 05:12 PM | #2 | ||||||||
زائر
|
ود البدوي يالذيذ يجازي محنك عايز منو يفهمك يازول كبر دماغك البلد مبيوعه من زمان شئنا أم أبينا -نحن مع أوضد لا تنفعنا شئياً الكل كان أداء سواء للحركة أو المؤتمر ربنا يجيب اللي فيه الخير -وع الرأس خليناه نحنا من زمان ركزوا لينا في الريالات حقتكم دي وما تنسونا من صالح الدعاء بس بالمناسبة أها ما اشتقت للبلد (وجهة ضاحك بخبث) |
||||||||
06-06-2010, 09:38 AM | #3 | ||||||||
مشرف قسم العلوم والتكنلوجيا
|
ياحبيبى عاطـف الامور محسومه على الصعيد السياسى نحن تعبانين ساى |
||||||||
06-06-2010, 12:21 PM | #4 | ||||||
زائر
|
جنوبي الهوي اشكر سعيك لمحاولة الفهم الاخ محمد ابراهيم لك التحيه اشكر مرورك ولكن لازلت عاوز افهم حاجه |
||||||
06-06-2010, 03:03 PM | #5 | ||||||||
زائر
|
ود البدوي إنت ما نصيح ولا شنو الداير تفهمو شنو - يا خوي البلد فيها تاجرين كل واحد عايز يستأسد بالنصيب الأكبر علي حساب رقاب ورفات الشعب الأبي المغشوش دوما بشعارات زائفة نجري ونلهث خلفها بلا وعي للأسف نحن يا عاطف أولا محتاجين نفهم معني الديمقراطية -كل الرجرجة والدهماء التي تتدعي التحزب والتطرف السياسي لم تفهم معني الديمقراطية إنما هي على مبدأ (كان أبي) فكنا معه وترعرعنا على ذلك لذا تجد من تحزب أرعن في توجهاته وتحزبه البغيض بلا وعي منه ولا إدراك اللهم إ لامن رحم ربي. فلو رجعنا لما تم نجده محبوك بطريقة دراماتيكية أخفت عن العوام الكثير وما زحلقت غازي صلاح الدين عن المفاوضات الآولي ببعيد حيث كان سينال منها ما لم يستطيع على عثمان نيله ...... وتمت البيعة في سوق الله أكبر وكانت مسرحية إستقبال وإغتيال جون قرنق سيئة الإخراج -كله في البيعة- أما الإنتخابات وما قبلها سأوعود إليك فيها لا حقاً ... فهمت ولا لسه |
||||||||
06-06-2010, 08:09 PM | #6 | ||||||||||||
|
جنوبي الهوي كم استفزني ذكرك استبعاد غازي صلاح من المفاوضات انها اكثر من مؤلمة لمن فهم معناها اما الديمقراطية فوا اسفا علي من يذهب الي صناديق الاقتراع دون ان يدري ماذا يفعل
|
||||||||||||
|
|
|