|
02-20-2010, 06:41 AM | #1 | ||||||||||||
المشرف العام
|
مواصفات المواطن السوداني
بسم الله نبدأ عمرك بين ال18 و الستين؟ سوداني او مولود لأب سوداني داخل او خارج السودان؟ يجب ان تخضع للجنة الاختيار العامة و بعد ذلك للجنات فرعية متخصصة و التصنيف سيكون كالاتي عندك شهادات و واسطة: حبابك ألف ماعندك شهادات وعندك واسطة: برضو حبابك ألف عندك شهادات و خبرة و ماعندك واسطة: سيب رقم تلفونك في الاستقبال و اكيد حاتسمع مننا ماعندك شهادات و لا واسطة: امشي انتحر شين و صوتك حلو: تبقى فنان شين و صوتك ماحلو: برضو فنان سمح و دمك يلطش و تجيد فن مصمصة الشلاليف و غرويد العيون و الأاااااأآآآآآت: اذن انت مذيع سوداني سمحة و غبية:- نوعين الاول سمحة و نحيييفة: مذيعة في النيل الازرق التاني سمحة و سمينة: هارموني او الشروق شينة و سمينة: تلفزيون السودان شينة و مسيخة: مضيفة جوية شينة و قليلة ادب: طالبة جامعة عدم احساس جلد تمساح: ناس سودانير قنعان من روحك و عايز تدعم المنتج المحلي: تركب سودانير سبع صنايع و البخت ضايع: موظف حكومة، مدرس، سواق تكسي سبع صنايع و البخت الرائع: موظف اتصالات امك داعية ليك: ياخدوك في دال رجل المستحيل: كستمر كير المستحيل بي عينو: خدمة سودانية ترقى لمستوى لا بأس عزيز قوم ذل: طبيب مصاص دماء: تشتغل في جهاز المغتربين سياسي عمرك فوق المية (ديناصور): معارضة خالي مؤهلات و مستهبل: سفير للسودان بالخارج خالي مؤهلات و أهبل: مسؤول كترتا و مسختا: مستشار عايز تشتهر: اخترع ليك حركة خزعبلاوية لتحرير السودان حمار شغل: الفئة دي مافي عندنا مدهوك معجون معفوص ممغوس موجع مقطع مرقع جيعان وسخان قرفان تلفان سجمان رمدان غالبك التسوي: مبروك انت مواطن سوداني مع الاعتذار لكل من الشعب السوداني و اخواني و اخواتي ممن مسته النوت دي من قريب أو من بعيد اعفو لينا يا جماعة
|
||||||||||||
02-20-2010, 07:34 AM | #2 | ||||||||
|
ماوريتنا الشنو وشنو ................................................. إغترب اهم شي دي علشان اصلنا طرف السوط ، مع مراعات نسبة المعنويات المتدنية للمغترب |
||||||||
|
|
|