كدي افسحو لينا حتة النقعد معاكم...ونشوف حال الوطن ...
شيخنا عارف... مافي زول رضيان ... بي سقوط هجليج...لو هي اصلا تبع السودان
"والله بقينا ما عارفين التبعنا منو ... هجليج ... ابيي..حلايب...الفشقة...حوش بانيقا الما الاصل...الجنابية"
المهم انو الناس متفقة علي الرفض لضياع اي شبر من ارض الوطن
ولكن الفتور الحاصل لان هناك شعور بعدم الرضا من الحكومة...وخاصة إن بترول هجليج
يستفيد منه قلة ... وباقي الشعب شاميهو قدحة
وبما أن الناس إتجاهاتا بقت مادية بحتة.... فا بقو يضربيوها بالضحاكات
واتشالت حكاية الأرزاق من الله يا ياسر من قاموس البشر... وبقت سياسة القلع
لانو المسافة بين الطبقتين....بقت واسعة
والناس إنطبع علي امخاخها ...رقصة البشير...وعبارات نافع ... وصورة المتعافي وهو ياكل في الجداد
والجيش الذي يصرف عليه تلات ارباع الميزانية.... يتحاوم داخل المدن
بعربات فارهة... مبركنة تحت عمارات شاهقة
لقد تغيرت مفاهيم الوطنية.....وبقينا قبيلتي وقبيلتك
وناس الخرتوم ينقنقو من ناس الاقاليم...وناس الاقاليم ينقنقو من التهميش
المشكلة ما في المعارضة...أو رؤوس المعارضة
المشكلة في الحيكومة.....
المشكلة ما من الزنجية الامريكية
المشكلة من الحيكومة
|