الطائرة السودانية
عباس سمير قول لي بي قصة العملية
لي رسولنا قوماك بيا
الطايرسودانية لي رسولنا قوماك بيا
يابن الخضر لك لي من بدري احجز لي
الشيخ عثمان والي قول الحمالة
لي رسولنا قوماك بيا
ياود ربيح جيب لي الترس والبلية
لي رسولنا قوماك بيا
الطايرة السودانية لي رسولنا قوماك بي
القومة حل اجلها بي سرعة لاتاٌجلها
لي رسولنا قوماك بيا
فوق المثنى عجلها اسمانا طر سجلها
لي رسولنا قوماك بيا
الطايرة السودانية لي رسولنا قوماك بيا
جديدة من الورقة تقطع وسيع الفرقة
لي رسولنا قوماك بيا
كل واحدة الحامل ورقة مع اخوتو ما انفرقا
لي رسولنا قوماك بيا
الطايرة السودانية لي رسولنا قوماك بيا
مافيها جزء معطل ولا جهازاً بطل
لي رسولنا قوماك بيا
سوقا ما بتماطل ومضيفا جاك ما اتعطل
لي رسولنا قوماك بيا
الطايرة السودانية لي رسولنا قوماك بيا
جواها حالي مكيف بارد نسيمو مهيف
للزول يريح ويكيف يتمنى فيها يصيف
لي رسولنا قوماك بيا
هبطنا جدة سلاما وجاتنا البشارة علامة
لي رسولنا قوماك بيا
نوصل نزور ياسلاما العز بي الاسلاما
لي رسولنا قوماك بيا
نحرم نطوف بي اللسعة كالمصطفى واليسعة
لي رسولنا قوماك بيا
نرمي الحجارة التسعة والاربعين بالوسعة
لي رسولنا قوماك بيا
نواجهو فوق الحضرة نحضر مراحمة وحضرة
لي رسولنا قوماك بيا
احمد امام الحضرة لي موسى فاق والخضرة
لي رسولنا قوماك بيا
في روضته المحروسة كل النعم مغروسة
لي رسولنا قوماك بيا
علماها واسعة دروسه وكل الفنون مدروسة
لي رسولنا قوماك بيا
نزور جميع اصحابو الفي احد ورحابو
لي رسولنا قوماك بيا
منهم نجد ترحابووالخير صب سحابو
لي رسولنا قوماك بيا
برق الحجاز لي ضوا منه الضمير اتكوى
لي رسولنا قوماك بيا
امرض فؤادي الجوا ودواه في السوح جوى
لي رسولنا قوماك بيا
يارب صل وسلم لي الجاهو لينا يسلم
لي رسولنا قوماك بيا
البرعي جاك متظلم من وزرة هو متألم
لي رسولنا قوماك بيا