اهلا حبابكم في فطيس
بسم الله الرحمن الرحيم لقد كان حلما ...أن يلتقي أهل فطيس في مساحة واحدة في العالم الأسيري وتحقق الحلم...فهذه دياركم سنكون بينكم نعمل معا لنحقق التطلعات أهلا وسهلا وحبابك الف عبدو مصطفي |
والله انه لحلم كبير كنا ننتظره بفارغ صبر التحيه لكل الاخوه الذين بذلوا جهدا في اخراج هذا العمل الجميل للنور التحيه للاخ عبده مصطفي وللاخ معاويه وللاخ مامون عبدالله النور وللاخ امير حمدان ولاخرين لايتسع المجال لذكرهم ابدو جاهزيه كبيره لدفع المال اذكر منهم علي سبيل المثال لا الحصر الاخ رافع الامين الجاك والاخ عاطف علي البدوي والاخ يوسف حامد طه والاخ عمار بركات والمرحوم خالد الزين الذي كثيرا ماداعبت خياله الفكره والاخ حسب الرسول ابراهيم والاخ طارق سعيد
|
لك التحية الأخ عوض خضر .........ولكل هولاء الشكر في حمل هم أن نلتقي في هذا العالم الأسيري |
نحن اهل الفرحه جينا ***** لا المياتم وقفتنا ولا الحكايات الحزينة
لك التحية اخ عبدو |
انتو قاعدين بى هنا ونحن ما جايبين خبر يا سلام عليكم يا سلام.... شكرا اولاد حلتنا الرائعين على هذا المنتدى الجميل ومليون تريليون ممبروووووووووووووووك. تخريمة المدير العام بعشقك وما شفت انسان ادمن الريد ومنو تاب .. بعشقك وما شفت مجنون غير فقيرو يمسو طاب... إلا خايف عمرى يكمل ولسه فى صبرى العقاب .... وكت بمد ايامى لولا لكل اجل كتاب ....... |
يوسف حبابك والله راجينك........بفارغ الصبر.......يا أجمل ذول وورينا ابداعاتك |
يوسف انت عبدو دا بملس ليك كدا مالو والله الا كان داير يسحبك من جماعتك ذي ماسحبو فتيحه وامير شريف زمان
|
ايواااا انتو الأهلي كان مدخل فيكم خلعة...........ذي ريال مدريد بلقط اللا عبين........بس الفرق ما بقروش
والأهلي مدرسة...........في زول بيابا القراية يوسف دا اخر واحد نفكر فيهو..........لانو الز مع الخصم |
بسم الله الرحمن الرحيم
تأخرنا كثيراً -ولكن نحمد الله أن ظهر الأسم الأحب إلى قلوبنا في محركات البحث الإسفيرية - نشكر الأخ وإبننا العزيز عبده مصطفى لهذا العمل الجميل - الذي كان حلما يراود مخيلتي منذ زمن بعيد -حرك في شئياً دفيناً -يخص فطيس تلك اليافعة التي ظلمناها كثيرا سواء بالبعاد عنها أو بتجاهلها كثيرا - هو دين كان علينا إيفاءه لها -أعطتتنا وما بخلت -ولكننا بخلنا عليها كثيرا. فطيس تلك الساحرة القابعة في أحضان ترعه (أم حسون ببركاتها ) لتهدى لنا لوحة جميله ترعرنا فيها وسبحنا فيها كثيرا -حيث تعلمنا فن العوم ومنا تمت ترقيتنا للكنار الكبير -حيث الغطس في الأعماق كما كنا نتخيل قديماً -ولي فيه حكايات سأرويها لاحقاً قلت علينا دين -يكمن في دواخلنا ولابد من البوح به تجاه فطيس-والأيام بيننا وبينها بإذن الله اشكرك عبده - أشكر كل من وقف ليرى هذا الصرح العملاق النور آمل أن نرقى به كثيرا - أمل أن تكون موضوعاتنا من صميم قلب فطيس -أن ننقل همومنا -ونحل هموم غيرنا من خلال هذا الصرح الذي أسال الله أن يشب عملاقا ويبقى عملاقا كما كانت فطيس عملاقة دائماً نارت فطيس بكم يا شبابها الأجلاء شكر خاص للدينمو العملاق عوض خضر ذلك الرجل المثقفاتي جداً والفنان ولدنا أمير وللبقية الذين يعملون في صمت مع إحترامي وتقديري للكل |
مامون سعداء جدا باطلالتك ونتوقع منك الكثير تقنيا وثقافيا ودي المحريه فيك
|
كنا ننتظرك بلهفة...........لان حلمك هذا "تاورنا" من فترة ليست باقصيرة .....ولأن اسمك كان يأتي مع كل إقتراح أهلا وسهلا بيك.............وكلماتك بها كل المعاني المحتاجين ليها ليكون هذا العمل......نموزج للتلاقي وتبادل الأراء وطرح القضايا.......ودفع الدين لفطيس............لك التحية دوما عبدو مصطفي |
شكرا كثير ا-بالترحيب
ونتمى أن نكون عند حسن ظن جميع الإخوة |
استاذ مامون حبابك عشره والبيت بيت ابقى داخل وفى انتظار ذكرياتك الجميله ومشاركاتك . مامون لكن راجع حكاية ابننا عبده دى لانو الفرق بينكم ما كبير صدقنى الراجل دفعه |
Quote:
ههههههههههههههه........يوسف بالناسبة حرم محتفل بعيد ميلادي 32 يوم السبت الجاي.......كان مغالط اسأل النسايب خلاص فارقتكم...................شوف ليك ذول قرا معاك |
يوسف حبابك -
ياخي عبده ده مالك معاه -الزول ماكبير وأنت كمان وشوف 32 دي يعني نحنا كم 35 جزاك الله خير والله وكان كدي إت ما بتزيد من 22 شنو ليك جيهتك ولا لا تحياتي |
ياسلام يارايع يا ودمصطفي مليوووووووووووووووووووووو وووون مبروك علي الاطلاله البهية للاولاد حلتنا البهية
|
يا عمو 32 سنة ( احم احم )
|
الحبيب معاوية
أولا والله بالجد متلوم معاك كثير -وياولدي حبابك -والله بالجد أجمل حاجة في هذا المنتدى أن نتلقي شباب مثلكم حرمنا منهم الزمن زظروف الغربة التي شتت وما فتئت تشتت حتى يومنا هذا فيا معاوية والله كل يوم عايز اسلم عليك والله ماقادر -مشغولية بس-على العموم لك منى تحية خاصة أما بخصوص الـ32 دي ده كله من ود حامد طه ده داير يفتح لينا موضوع أعمار وما أعمار - فالراجل ما قصر خلانا دفعة عبده مصطفى وشكرناه على كده ما تحكها كثير وياولدي نحنا صلعتنا وشيبنا وصلو الحد -مع إنه في ناس دفعتنا ما برضو الكلام ده - ختاما التحية ليك مرة أخرى -التحية لكك أزهار فطيس المنورة بالمنتدي بلا أستثناء وبعدين ياجماعة حكاية أستاذ مكبرننا بيها شوية -ينط ليك يوسف حامد طه يقول ليك أستاذ مأمون درسني (أها دي بتنبلع كيف) |
الإخوة الاعزاء : لكم التحية والتجلة وعبركم أحييكم وأحي فيكم تلك الروح الحماسية تجاه الوطن الصغير الأم الحنون فطيس وكما قال أستاذنا الأخ مأمون فلتكن هي بداية رد الدين لمن تدين لنا بالكثير الكثير وبدءاً به أحيي كل الإخوة الكرام. فلنتنادى جميعاً لشحذ الهمم للإرتقاء بهذا الصرح الذين احسبه سيكون هو ظلنا ساعة يشتد الهجير.
وزي ماقال عمر الطيب الدوش ( لقيتك في طشاشي دليل وفي حر الهجيرة مقيل) . التحية للكل ؛؛؛؛ |
وقفةاعزاز وتقدير
انه حقا لفخر لنا ان تكون لنا مساحة نلتقى فيها أبناء فطيس الحبيبة فالى الأمام قدما ببلدنا من خلال هذا المنتدى الرائع والشكر لكل القائمين على هذا المنتدى واملى ان يتم
الاعلان عنه بشكل أوسع لتعم الفائدة ولكم تحياتى . .......................................عثمان الخليل |
أب رويس حبابو
واب رويس ياجماعة عارف نفسه ما تسألوني منه لكنه رفيق دربي أحن إليه كثيرا تحياتي عبد الملك |
يا عبدو حرم دي بالانجليزي وللا بالعربي
|
Quote:
|
لكم التحية يا شباب وربنا يوفقنا للمزيد والمزيد عبر هذه البوابه من أجل فطيس
عمار بركات |
يا سلام....... يا سلام ..........يا سلام
ناس فطيس الطيبين......سلام لأهلي الحنان....واخواني الكرام واخواتي العزاز دا حلم ان نلتقي......والحمدلله لقد تحقق نتمني أن تكون مساحة للتفاكر من اجل فطيس شكرا للقائمين علي الأمر أم باسل سحر محمد.........اوكسفورد |
يوسف بطل
يوسف حامد طه بطل تبحت الجحور
لانو (((استاذ))) مامون ما فارقه معاهو لكن بتشرد ناس ذي اب رويس (( ما داير اقول اسمو))) لانهم عاملين فيها اولاد صغار وبرضو في ناس الكلام ده بطيرم لانهم عاملين فيها شباب ولسه ما عرسو وخلوني ارتب شويه مامون 35 عبدو 32 يوسف 31.5 عشان ما تزعل احمد جرجور 17 الباقي يرتب نفسو عوض خضر عايز اشوف رايك |
Quote:
بين اهلك وناسيك |
راي انت ما عصرت علي استاذ جرجور دا ال 17 دي باقي لي شويه ويتمها
|
يامي هاي حليله هو وحليل ايامه ياستاز جرجو الناس ديل حكايتون معاك
الظاهر انو اليق خلص في الدمام شد حيلك |
من فطيس ومن الأستاذ عبدالماجد لكم جميعاً مليووووووووون تحية وأتمنى لكم التوفيق وأنتم تجمعون شملكم داخل وخارج السودان أحلى الأمنيات لكم وأنا أكتب من داخل فطيس مشاركتى : سؤالين
الأول : لماذا سميت فطيس بفطيس ؟ للعلم ( سميت بذلك لإنخفاضها والمنطقة المنخفضة تسمى الفطسة ويقال فلان أفطس الأنف ) الثاني : لماذا المحاولات لتغيير اسمها ؟ أنا أري لالالالا داعي لذلك طالما الإسم اشتق من صفة تضاريسية ليس كما يظن بأنها من الفطيسة أو الجيفة معاذالله كبارنا أدرى بذلك كان غيروا الإسم منذ قديم الزمان تمنياتي لكم بالتوفيق أخوكم عبدالماجد |
والله انه ليوم رائع يوم رأينا الاستاذ عبد الماجد ينضم لفطيس الالكترونيه يامراحب يامراحب يامراحب تخريمه فطيس في الوجدان يااستاذ حتي لوكان في محاوله لتغيير الاسم سيظل هذا الاسم يربطنا من اقاصي الارض لاقاصيها
|
الأستاذ عبدالماجد....اهلا ورحب بيك..منتظرنك من ذمان بعد أن نبهني دفع الله مصطفي بأنك متواجد في هذا العالم الأسيري ونسبة لعدم توفر سبل الإتصال بك تركت الأمر للأعضاء مرحب بيك وانت تحمل في مشاركاتك ضجة البلد التي بعدنا عنها وهي فينا لك الإحترام.....دائما |
Quote:
لا أدري بماذا أبدا الخليفة الأستاذ أم الأستاذ الخليفة ... عبدالماجد حبابك عشرة وألف مرحب |
Quote:
|
الواحد لما شاف مداخلتك ربع يدينو وسكت ساااااااااااااكت
الف تحية لك استاذنا الجليل اما محاولة تغيير الاسم فقد حاولوا من قبل الم يتعظوا ان لا فدعهم يحاولون مرة اخري كانت ولا زالت وستبقي فينا ابدا (((فطيس)))) |
مرحب بيك استاذنا الجليل عبدالماجد ونشكر لك شرحك لاسم فطيس ومشاركتك بالمنتدى ونرجو منك الكتير والكتير جدا فلك التحية والتجلة
|
ودالخليل البركه في استاذ عبدالماجد الخلاك تقلع
|
مافى اجمل
تحياتى الى كل الاخوه على هذا العمل ونتمنى ان نساعد ونساهم فى تطوير هذا المنتدى
|
والله انا ما عارف اقول شنو انا من ابناء قريه فطيس وبخش النت طوالي وبالصدفه عرفتا الموقع ده
والله اكثر من رايع وانا عصام الين محي الين عصام الين بس ليه ما اعرف الموقع ده والله بالغتو |
مرحب بيك عصام الدين اطلالتك نورت المنتدي
|
All times are GMT. The time now is 07:41 PM. |
Copyright ©2000 - 2024, Futeis.com