مجرد سؤال ؟؟؟؟
 

ذكرت احد مصادر الدجاج الالكترونى المتجد منتهى الصلاحية (الشيوعيين ) على صفحات الفيس البوك بان الفريق عمر البشير رئيس الجمهورية قد تعرضت لمضايقات من بعض الحجاج على خلفية المظاهرت الاخيرة مماحدى بمرافقيه الاستعانة بالامن السعودى لحماية الرئيس الى هنا والخبر طبيعى ... لكن الذى استغربت له كثيرا وتبادر لذهنى سؤال ... هل يمكن ان يكون للشيوعيين مراسلين من داخل حرم الله الامن او من الاماكن المقدسة وهم لايؤمنون اصلا بان الكعبة هى قبلة حيث قبلتهم الكرملن ... اذا اتفقنا جميعا بان ليس لهم مراسلين من داخل حرم الله الامن .. اذن الخبر اوردته مصادر اسلامية لان مراسليها يؤمنون بالكعبة قبلة .. وهنا ايضا تبادر لذهنى سؤال ... متى وثق الشيوعيين فى مصدر اسلامى حتى يتبادلون تصريحاته وينشرونها على الفيس بوك ... الفريق البشير وكل الحجاج السودانيين ادوا مناسك الحج قى يسر نسال الله ان يتقبل منهم ونسال الله ان يحمى وطننا ويطهر ترابه من دنس العملاء والمارقين والطابور الخامس ... ونقول للشيوعيين اذا كان الحق سبحانه وتعالى قال قى المشركين (انما المشركين نجس فلايقربوا المسجد الحرام بعد عامهم هذا ) فمن باب اولى الا يدخله الشيوعيين الملحدون بعد عامهم هذا وحتى يلج الجمل فى سم الخياط

اخونا يوسف كل عام وأنت بخير وحقق الله امانيك واماني الجميع ،،اضحكني ماقلت ،،دا ما آخر الزمان عديييييل !!! خايف بكرة ابقوا بتاعين فتاوي هاهاهاهاهاها ،،أنا في مكة المكرمة ،،من وين جابوا الكلام ،،كايسين لأي طريقة ،،، خلاص لما يمشوا يحجوا في الكرملين قبلتهم اقولوا ما شاء لهم الكلام المتاعيس وخايبين الرجاء

التحية ليك اخونا عارف وكل عام وانت بالف خير وربنا يحقق امانيك ويديك طولة العمر ... ويحفظ وطنا الحبيب من دنس العملاء ويحفظ قائد الركب الهمام ودالبشير من كل شر .. اعرف اخى انك رجل وطنى ومشبع بحب وطنك حتى النخاع وقلبك حاااار على كل ذرة من وطنك وفى سبيله تاكل باسنانك نم ودى المحرية فيك ... لكن انت عارف الجماعة ديل بعد مافشلت مظاهرات الشماشة والرباطة فى السودان وفشل تنظير كل المتاثرين بنظريات جورج ماركس ولينيين وكينيين وبنسلين فى اقناع الشارع السودانى بانها ثورة ...بقوا يضهبوا فى شوارع مكة دايرنا ليهم قشة يتعلقوا فيها وجوههم عليها غبرة ترهقها قتره ... ونحن من هنا ولى قدام اتبنينا شعارهم (ابينا) مافاكنها تب ونقول ليهم موتوا بغيظكم

يقول الله تعالي:( الحج أشهر معلومات فمن فرض فيهن الحج فلا رفث ولا فسوق ولا جدال في الحج وما تفعلوا من خير يعلمه الله وتزودوا فان خير الزاد التقوي واتقون يا اولي الالباب ) صدق الله العظيم ،،بالجماعة ديل ما عنهم فكرة عن هذه المضامين والقيم ،، فاكرين العبادة سياحة وفوضي ،،وراحوا في ضلالهم وافكهم وكذبهم المعهود ،،شن عرفهم والحج ،،قال تعرض قال تعرضوا حفايا في جمر مليان دبوس مصنقر علي حيلوا ،،الناس جوا للحج ما للفوضي ،،جوا للعبادة وحرب العالمين ،،التقوا الله العظيم

الأساتذه الكرام ....عارف ويوسف....بعيدا عن الشيوعية والحج
لكن من الصعب تلقا ليك نفرين ...ذيكم ....مقتنعين إنو الناس دي ما عندها دين (وإن حجو)
وهذا اصبح فهم سائد....تسمعه مِن من لا يفقهون في السياسة
فقط من العملو والبعملو فيهو دا
عشان كدا...ركزو علي السياسة....واختو الدين
وليس من الحكمة الإعتقاد أن كل ذول معارض...شيوعي...وكل شيوعي كافر

الاخ عبده كل سنه وانت بالف خير وربنا يحقق امانيك ويحفظك وحمدا لله على سلامة الوصول ... ياخى كلامك دا كلام غريب جدا كيف يعنى نختا الدين ونتكلم عن السياسية فقط ؟؟ هذه هى العلمانية بام عينها لان العلمانية هى فصل الدين عن الدولة فى مؤسساتها وبرامجها الكلام دا عندكم فى بريطانيا معليش عادى الشى الاخر متى عرف الشيوعيين الدين حتى يصنفوا اهل الانقاذ انهم لايعرفون الدين ؟؟؟وملايين غيرنا انا والاخ عارف يقفون مع الانقاذ وبعد دا لو جات انتخابات رئاسية برضو بفوز عمر البشير وحتى لو اشرفت عليها الامم المتحدة واقرت بانها نزيه برضو اعداء الانقاذ ح يقولوا مزوره مسبقا ... وبسالك سؤال ... ماجدوى الشيوعية بعد انهيار الاتحاد السوفيتى ؟؟ والى اين ينتهى بهم المطاف ؟؟؟

لا أعرف عن الشيوعية شئ لأدافع أو أرد
ولست من دعاة العلمانية المطلقة التي ترجمتها انت بمعني فصل الدين عن الدولة
أنا إنسان مسلم أعتز بديني .... وغيرتي عليه تفوق غيرتي علي الوطن بمراحل
عندما يأتي أحدهم وبإسم الدين ... ليرتكب كل ما حرم الدين...ثم يهلل ويكبر
ويكفر الاخر..ويحلل ما حرم الله.. من الربا وقتل النفس....عندها اكون العلمانية ذاتها
بمعني....التعامل مع هؤلاء كسياسين لا دين لهم
أو علي الأقل دينهم لا يمت للإسلام بأي صلة
ولذلك كان ردي أن يكون الحديث في السياسة

اخونا عبده حمد لله علي السلامة وعودا حميدا ،،الموضوع برجع ليه لما أكون فاضي ليه وبرد ليك حبة حبة ،،بس داير احك معاك موضوع الظلط أولا،،حمدلله علي السلامة ومبروك لاخونا الاحيمر وعقبالك

يجب مراجعة ومحاسبة الحكومة علي ما تقوم بة من افعال وان لا تترك تفعل بنا ما تشاء بحجة انها منتخبة

والوضع النحن فية دا لا يرضي عدو ولا صديق

دعونا ناكل ونشرب ونتعالج بامن وامان